الشاعر . أحمد سعد دومة
فكوا الحصار
فكوا الحصار ده عار عليكم.. ألف عار إزاي بنرضى نبيع ضميرنا والكرامة والشهامة بالدولار؟ إزاي بنرضى نرمي للموت الصغار قبل الكبار ؟ مش عارف ايه صاب العرب والمسلمين؟ ما بيبقوا يوم متوحدين لكنهم..... وفــ صف واحد كلهم وافقوا على عيشة المرار وافقوا يكوانوا عبيد لبوش ،والأمريكان،ويا اليهود وافقوا على قفل الحدود وفـ كل يوم شوف كام جريح شوف كام شهيد شوف الدمار حتى الشعوب من غير كلام باعوا القضية والوطن خافوا المحن ناموا وحلموا بالسلام ولقوه خازوق والمستكين لازم يدوق علشان يصدق إنضرب النار يصده ضرب نار يعني الحديد ما بفلهوش إلا الحديد "هوالشعار" ----------- فكوا الحصار ثوروا على القيد اللي فتت عزمكم صحوا النهار شوفوا الحقيقه واسمعوا وامحوا عن القلب الغبار ماتصدقوش لما يقولوا عن المقاومة "إنقلاب" ولا تركعوش عمر النباح ما بتنحني منه السحاب واوعوا في يوم تستخسروا تفدوا بحياتكم أي شبر من الوطن لو حتى ذرة من تراب واتجمعوا -لاجل النبي- على كلمة واحده كلكم فتح الحدود لازم يكون هو القرار فكوا الحصار ....فكوا الحصار
فكوا الحصار
هناك تعليق واحد:
اللهم انصر غزة وأهلها
إرسال تعليق